"ထိုင်းနိုင်ငံ စစ်မျက်နှာ ၃ ဖက် ဖွင့်ထားရသလိုဖြစ်နေ" - ကမ္ဘောဒီယားပြီရင် "ဝ" လား

 (ဘန်ကောက်၊ ဇန်နဝါရီ ၂၀)

ထိုင်းနိုင်ငံ၏ လုံခြုံရေးအခြေအနေသည် လက်ရှိအချိန်တွင် အဘက်ဘက်မှ ဖိအားများနှင့် ရင်ဆိုင်နေရပြီး အထူးသဖြင့် နယ်စပ်ဒေသလုံခြုံရေးမှာ စိုးရိမ်ဖွယ်ရာရှိနေကြောင်း ထိုင်းအငြိမ်းစား ဗိုလ်ချုပ်ကြီး ရန်စီ (Gen. Rangsee Kitiyanasap) က ဇန်နဝါရီလ ၁၈ ရက်နေ့တွင် ပြင်းပြင်းထန်ထန် သတိပေး ပြောကြားလိုက်သည်။

'ဝ' နှင့် ကရင် အရေး သုံးသပ်ချက် ကရင်အမျိုးသားအစည်းအရုံး (KNU) ဘက်မှ ကော်သူးလေနိုင်ငံ ကြေညာချက်နှင့် ပတ်သက်၍ မြန်မာစစ်ခေါင်းဆောင် မင်းအောင်လှိုင်အနေဖြင့် လက်ခံနိုင်ဖွယ်မရှိကြောင်း၊ ထို့ကြောင့် နယ်စပ်တလျှောက် တိုက်ပွဲများ ပိုမိုပြင်းထန်လာနိုင်ကြောင်း ၎င်းက သုံးသပ်သည်။ ထို့အပြင် ထိုင်းနိုင်ငံ အနောက်ဘက်ခြမ်းတွင် 'ဝ' တပ်ဖွဲ့များက ချင်းမိုင်နယ်စပ်ဖက်သို့ ဝင်ရောက်လာမှုများရှိနေပြီး၊ ၎င်းတို့ကို 'ဝနီ' (Red Wa) ဟု သတ်မှတ်ကာ လုံခြုံရေးခြိမ်းခြောက်မှုတစ်ခုအဖြစ် ရှုမြင်ရမည်ဟု ပြောကြားခဲ့သည်။

စစ်မျက်နှာ ၃ ဖက် ထိုင်းနိုင်ငံသည် လက်ရှိတွင် စစ်မျက်နှာ ၃ ဖက်မှ ပိတ်မိနေသည့် အနေအထားမျိုး ဖြစ်ပေါ်နေကြောင်း ဗိုလ်ချုပ်ကြီးဟောင်းက ထောက်ပြသည်။ ၁။ အနောက်ဘက်တွင် 'ဝ' တပ်ဖွဲ့များ၏ နယ်မြေကျော်လွန် ဝင်ရောက်လာမှု၊ ၂။ အရှေ့ဘက်တွင် ဟွန်ဆန် ဦးဆောင်သော ကမ္ဘောဒီးယားနိုင်ငံ၏ ဖိအား၊ ၃။ တောင်ဘက်တွင် ညတွင်းချင်း ဓါတ်ဆီဆိုင် ၁၁ ဆိုင် ဗုံးခွဲတိုက်ခိုက်ခံရသည့် အကြမ်းဖက်မှု အခြေအနေများဖြစ်သည်။

ကမ္ဘာ့စစ်မီး အရိပ်အယောင် ပြည်တွင်း၊ နယ်စပ်ရေးရာများအပြင် ကမ္ဘာ့အရေးအခင်းများကိုပါ ထည့်သွင်းစဉ်းစားရန် လိုအပ်ကြောင်း၊ အကယ်၍ အမေရိကန်က အီရန်ကို စစ်ဖွင့်တိုက်ခိုက်ပါက တတိယကမ္ဘာစစ် ဖြစ်လာရန် သေချာသလောက်ရှိနေကြောင်းလည်း ၎င်းက သတိပေးခဲ့သည်။

ထို့ကြောင့် ထိုင်းနိုင်ငံအနေဖြင့် ယခုကဲ့သို့ ရှုပ်ထွေးနက်နဲသော နိုင်ငံရေးနှင့် စစ်ရေးအကျပ်အတည်းများကို ကိုင်တွယ်ဖြေရှင်းရန် ပြတ်သားခိုင်မာသော ခေါင်းဆောင်မှုမျိုး လိုအပ်နေချိန်ဖြစ်ကြောင်း အငြိမ်းစား ဗိုလ်ချုပ်ကြီး ရန်စီက တိုက်တွန်းပြောကြားသွားခဲ့သည်။

---

On January 18, retired Thai General Rangsee Kitiyanasap issued a stern warning that Thailand's security situation is currently facing pressure from all sides, with border security being a particular cause for concern.

Analysis of the 'Wa' and Karen Situations He analyzed that Myanmar military leader Min Aung Hlaing is unlikely to accept the Karen National Union's (KNU) declaration of the State of Kawthoolei, which could lead to intensified fighting along the border. Furthermore, he noted that 'Wa' troops are encroaching toward the Chiang Mai border on Thailand's western front. He labeled them as the "Red Wa" and stated they must be viewed as a security threat.

Three War Fronts The retired General pointed out that Thailand is currently in a position where it is trapped by threats on three fronts:

1. West: The cross-border encroachment of 'Wa' troops.

2. East: Pressure from Cambodia, led by Hun Sen.

3. South: The terrorist situation involving simultaneous bombing attacks on 11 gas stations overnight.

Signs of a Global Conflict He also warned that beyond domestic and border issues, global affairs must be taken into account. He stated that if the United States were to declare war on Iran, the outbreak of a Third World War would be almost certain.

Retired General Rangsee concluded by urging that, given these circumstances, Thailand is in need of decisive and strong leadership to handle these complex political and military crises.