မဲဆောက် ရဲပစ်ခတ်မှု တရားခံ မြန်မာလူငယ်၊ တော်လှန်ရေး ဂုဏ်သိက္ခာအရ မိမိအပြစ်ကို တာဝန်ယူရန် ဗိုလ်ဒါဘောထံ ကိုယ်တိုင်လာရောက်အဖမ်းခံ

 

ထိုင်း-မြန်မာနယ်စပ်၊ မဲဆောက်မြို့မှာ ဖြစ်ပွားခဲ့တဲ့ ထိုင်းရဲတပ်ဖွဲ့ဝင် ပစ်ခတ်ခံရမှုဖြစ်စဉ်က ထွက်ပြေးလွတ်မြောက်နေတဲ့ မြန်မာသေနတ်သမားဟာ ဒီကနေ့ (ဇန်နဝါရီလ ၂၂ ရက်)၊ ထိုင်းစံတော်ချိန် မွန်းတည့် ၁၂ နာရီဝန်းကျင်မှာ ၎င်းရဲ့ အပြစ်ကို တာဝန်ယူလိုစိတ်ဖြင့် ကိုယ်တိုင် လာရောက်အဖမ်းခံခဲ့ပြီ ဖြစ်ပါတယ်။

ဖြစ်စဉ်အကျဉ်း လွန်ခဲ့တဲ့ ဇန်နဝါရီလ ၂၀ ရက်၊ ညနေပိုင်းက မဲဆောက်မြို့၊ မယ်ကုရပ်ကွက် 7-Eleven ဆိုင်အနီးမှာ ဆိုင်ကယ်စီးလာတဲ့ မြန်မာလူငယ်နှစ်ဦးကို ထိုင်းရဲတွေက စစ်ဆေးရာကနေ ပစ်ခတ်မှု စတင်ခဲ့တာပါ။ ဆိုင်ကယ်နောက်က လိုက်ပါလာသူက တာဝန်ကျရဲတွေကို သေနတ်နဲ့ ပစ်ခတ်ပြီး ထွက်ပြေးသွားခဲ့တာ ဖြစ်ပါတယ်။

ထူးခြားချက်နှင့် ဖမ်းဆီးရမိမှု ဒီဖြစ်စဉ်မှာ ထူးခြားတာကတော့ ထွက်ပြေးနေတဲ့ တရားခံကို သောင်ရင်းမြစ်တလျှောက် လှုပ်ရှားနေတဲ့ KNU လက်အောက်ခံ ကော်ဘရာစစ်ကြောင်းက စစ်ကြောင်းမှူး ဗိုလ်ဒါဘော ကိုယ်တိုင် ထိုင်းအာဏာပိုင်တွေလက်ထဲကို လွှဲပြောင်းအပ်နှံခဲ့ခြင်း ဖြစ်ပါတယ်။ ထိုင်းအာဏာပိုင်တွေဘက်ကလည်း ၂၄ နာရီကျော်ကြာ ပိတ်ဆို့ရှာဖွေခဲ့ပြီးနောက် အခုလို ဖမ်းဆီးနိုင်ခဲ့တာပါ။

သက်သေခံပစ္စည်းများ တရားခံ စွန့်ပစ်သွားခဲ့တဲ့ သေနတ်၊ အဝတ်အစားနဲ့ လွယ်အိတ်တွေကိုတော့ မနေ့က မနက်ပိုင်းမှာပဲ ကြံခင်းတစ်ခုထဲမှာ ရှာဖွေတွေ့ရှိခဲ့ပြီး ဖြစ်ပါတယ်။ လက်ရှိမှာ ထိုင်းရဲတပ်ဖွဲ့က ကွင်းဆက်တရားခံတွေနဲ့ အမှုမှန်ပေါ်ပေါက်ရေး ဆက်လက် စစ်ဆေးနေပါတယ်။

မြန်မာတို့ရဲ့ စည်းလုံးမှု ပစ်ခတ်မှုကြောင့် ဒဏ်ရာရခဲ့တဲ့ ထိုင်းရဲတပ်ကြပ်ကြီးအတွက် မဲဆောက်ရောက် မြန်မာလုပ်သားတွေက မဲဆောက်ဆေးရုံကြီးမှာ သွားရောက် သွေးလှူဒါန်းခဲ့ကြတာကလည်း ဝမ်းသာစရာ မြင်ကွင်းတစ်ခုပါပဲ။ လက်ရှိမှာတော့ ရဲတပ်ကြပ်ကြီးဟာ အသက်အန္တရာယ်က လွတ်မြောက်သွားပြီ ဖြစ်ပါတယ်။

တော်လှန်ရေး ဂုဏ်သိက္ခာနှင့် တာဝန်ယူမှု ဒီဖြစ်စဉ်မှာ အထူးခြားဆုံးနဲ့ လေးစားဖွယ်ကောင်းတဲ့ အချက်ကတော့ ထွက်ပြေးနေတဲ့ တရားခံဟာ ထိုင်းအာဏာပိုင်တွေရဲ့ ပိတ်ဆို့ရှာဖွေမှုတွေကြားကနေ တော်လှန်ရေးရဲဘော်တစ်ဦးရဲ့ ဂုဏ်သိက္ခာ၊ စောင့်ထိန်းရမယ့် ကျင့်ဝတ်တို့နှင့်အညီ မိမိကျူးလွန်ခဲ့တဲ့ အပြစ်ကို ရဲဝံ့စွာ တာဝန်ယူလိုစိတ်ရှိတာကြောင့် KNU လက်အောက်ခံ ကော်ဘရာစစ်ကြောင်းထံ ဆက်သွယ်ပြီး ကိုယ်တိုင် လာရောက်အဖမ်းခံခဲ့ခြင်း ဖြစ်ပါတယ်။

စစ်ကြောင်းမှူး ဗိုလ်ဒါဘော ကိုယ်တိုင်ကလည်း တရားခံရဲ့ ဆုံးဖြတ်ချက်ကို လေးစားသောအားဖြင့် ထိုင်းအာဏာပိုင်များထံ စနစ်တကျ လွှဲပြောင်းအပ်နှံပေးခဲ့တာ ဖြစ်ပါတယ်။ ဒါဟာ တော်လှန်ရေးအင်အားစုတွေရဲ့ စည်းကမ်းလိုက်နာမှုနဲ့ တာဝန်ယူမှု၊ တာဝန်ခံမှုရှိခြင်းကို ပြသလိုက်တဲ့ သာဓကတစ်ခုလည်း ဖြစ်ပါတယ်။

The Myanmar gunman who had been on the run following the shooting of a Thai police officer in Mae Sot, on the Thai-Myanmar border, surrendered himself today (January 22) at around 12:00 PM Thai Standard Time, demonstrating a willingness to take responsibility for his actions.

Incident Summary The incident began on the evening of January 20 near a 7-Eleven store in Mae Ku Ward, Mae Sot, when Thai police attempted to inspect two Myanmar youths riding a motorcycle. The passenger on the back of the bike opened fire on the officers on duty and fled the scene.

Key Details and Arrest A notable aspect of this incident is that Commander Bo Dar Baw of the KNU Cobra Column, which operates along the Moei River, personally handed the fugitive over to Thai authorities. This arrest follows an intense blockade and search operation by Thai authorities that lasted over 24 hours.

Evidence Recovered The gun, clothing, and shoulder bag discarded by the suspect were discovered yesterday morning in a sugarcane field. The Thai police are currently continuing their investigation to identify any accomplices and uncover the full details of the case.

Unity of the Myanmar Community It was a heart-warming scene to see Myanmar migrant workers in Mae Sot go to Mae Sot General Hospital to donate blood for the Thai Police Sergeant injured in the shooting. Currently, the Sergeant is reported to be out of critical danger.

Revolutionary Dignity and Accountability The most remarkable and respectable aspect of this incident is that the fugitive, amidst the blockade and search by Thai authorities, acted in accordance with the dignity and code of conduct of a revolutionary comrade. Driven by a brave willingness to take responsibility for his crime, he contacted the KNU Cobra Column and surrendered himself voluntarily.

Column Commander Bo Dar Baw himself, respecting the suspect's decision, systematically facilitated the handover to Thai authorities. This serves as a testament to the discipline, responsibility, and accountability upheld by the revolutionary forces.